「名草有主」嘅謝霆鋒同有已嫁咗畀趙又廷嘅「國民女神」高圓圓日前被野生捕獲，被發現漫步上海小巷，雖然冇乜親暱舉動，霆鋒都係一貫作風，雙手插袋chok住行；而高圓圓就着紅色衫搭牛仔褲，渾身散發仙氣，佢哋全程言談甚談，似乎有講唔盡嘅話題，仲明顯好合拍咁齊齊拖慢腳步，連路過嘅白色小貓都比佢哋行得快，之後見佢哋入咗一間小屋度。
啲「花生友」唔好起哄住，其實原來佢哋係去錄影由霆鋒主持嘅美食節目《百姓的味道》，係純過蒸餾水嘅工作關係。不過講番佢哋係交情，應該由8年前嗰齣愛情片《一生一世》講起，霆鋒當時好高度咁讚過高圓圓，話對方似隻「恐龍」，意思即係話喺呢個娛樂圈大染缸度，高圓圓係佢見過咁多女星中思想最單純，單純到近乎絕種嘅女仔，而另一個令佢值得用「單純」嚟形容嘅女星，就只有佢位天后女友王菲。
仲有，霆鋒未做「Chef Lemon」前，佢喺電影宣傳活動時又講過，覺得整早餐係件好浪漫、好神聖嘅事，所以佢唔會輕易整早餐畀人食，不過為咗高圓圓可以破例一次咁話，可見佢對高圓圓係特別另眼相看嘅。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
