藝人陳家樂與湯怡為無綫節目《男神廚房》擔任嘉賓。已誕下女兒一陣子的湯怡透露尚差幾磅便回復未懷孕前磅數：「今日（14日）家樂會扶我一把減磅，因為佢負責煮，我負責食同評分，所以叫我食定止屙丸。」而陳家樂則笑指自己煮白飯最為拿手，自誇有30多年有關經驗，白飯質素可媲美日本壽司飯。問到緋聞女友連詩雅可曾試過其手勢？他避談說：「朋友個個都食過，不過呢排少煮，依家自己住（同居？）唔係（白飯以外最叻煮乜？）煮雞蛋，做童軍時都拎過勳章，疫情期間煮嘢食都叻咗，煎牛扒都Ok。」
談到湯怡早前為女兒舉行百日宴，她表示禁聚令的關係故沒有大搞，僅安排了兩家人食飯慶祝，家樂即場詐型指雖然未被邀請出席，但也會補送禮物給BB。問到他日後結婚擺酒會否不邀請湯怡？家樂笑說：「唔會，一定請，希望有機會結婚時疫情已經過去。」被揶揄的湯怡也笑說：「佢成日話嚟探我都未嚟過，又話想抱B！」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
