要騷身材唔一定要着泳衣，着內衣反而更性感！好似「美人魚」鄧詠雪咁，佢近日喺社交平台騷咗一套黑色透視內衣，正面露咗一點，就係佢個誘人肚臍，而趴埋牆做「影後」時，就見到佢個結實美臂，加上佢朱唇半開，真係令人充滿遐想！佢話影呢輯相時都幾怕醜：「因為未試過嘛，我都好鍾意收藏內衣嘅，性感、可愛嘅款式都會買，不過唔知着畀邊個睇，着畀自己睇啦，或者攞嚟影相囉。」
佢話近日遇上開心事，就係可以再用女子組合HunterZ嘅名義出騷：「都有5年左右冇揸咪上台唱歌，心情緊張又興奮，原來仲有人記得我哋呢個組合，希望將來再有機會用番HunterZ個名出新歌啦，但美中不足係成員蕊蕊、陶枳樽唔喺香港，唔齊人感覺就唔夠完整。」佢又話好懷念做組合時嘅日子，因為幾個女子一齊練歌、跳舞，一齊努力係件好開心嘅事，所以佢期待齊人時，可以再組女團！
本文作轉載及備份之用 來源 source: http://hk.on.cc
|
鍾意就快D Share啦！
|
|
|