敗者重生戰│嚴祺為結婚放棄加入MIRROR 過安定生活婉拒參賽
嚴祺（嚴瀚祺）是《全民造星》第一季的30強參賽者，之前又參加過《超級巨聲4》奪得季軍，歌唱實力雄厚。近日HMVOD《敗者重生戰》出動到監製張建聲，上門邀請他參加比賽，他卻當場婉拒邀請。
原來嚴祺已經轉行做普通上班族，兩年前成為人夫的他，明顯有些幸福肥，張建聲都開玩笑稱他為「嚴肥」。嚴祺表示：「因為結咗婚，重心擺返喺家人度，又覺得要做嘅都做咗。我覺得去到一個年紀，差唔多要落返地啲。」
嚴祺分享他也曾被邀請加入MIRROR，不過最後沒有成事：「我曾經有後悔，但而家冇。MIRROR同ERROR出道嘅時候，我有後悔點解唔應承。當初因為我好堅持要結婚，我有問佢哋得唔得？佢哋問返我可唔可以遲兩年先結婚，我話唔得，我即刻就要結婚！」
雖然最後未能成為男團成員，但他間中都有玩音樂。但不打算再參加比賽，原因是時間上難以配合，他坦言自己某程度上已放棄夢想：「我會用第二個方式再追尋（夢想）。」
本文作轉載及備份之用 來源 source: http://hd.stheadline.com
|
鍾意就快D Share啦！
|
|
|