李思捷主持的無綫遊戲節目《思家大戰》，周日（14日）播出的一集中，曾跟思捷組成「福祿壽」的好拍檔王祖藍及阮兆祥齊齊帶隊撐場，祖藍更率領太太李亞男、關心妍、韓馬利及鄺文珣組成「藝人之家隊」，難得「福祿壽」合體，製作組所定之題目均是「度身訂造」，最抵死的一題是：「邊個TVB藝人主持《思家大戰》會好過李思捷十倍」，最終民調的答案中，祖藍與祥仔均榜上有名，令思捷大感無癮！
原本並非頭號被玩對象的祖藍，卻連環「自爆」觸礁。首先被問到是否習慣首席創意官身份，他回應：「我好習慣呀！禮拜六、日都真係唔返工㗎喎呢度。」之後思捷問道：「問咗100個人，你身家有幾位數？最多人答嘅係…」祖藍竟口快快說了一個超級天文數字出來，思捷聽畢也為之「定格」不懂反應，並提醒祖藍：「唔係問你呀，王祖藍！」遊戲期間，思捷提到愛妻李亞男表現差強人意時，祖藍又忽然放閃謂：「佢攞幾多分我唔知，我老婆本身係100分嘅！」隨即冧得李亞男暈陀陀。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
