羅霖認為知識係一世 寧願用一層樓供兒子去美國讀書
「美魔女」羅霖日前接受車淑梅《舊日的足跡》訪問，離婚已近10年，她自食其力把三兒子養大，回想起來有苦有樂：「我本來唔想再租樓，但最後決定用一層樓嘅錢供個仔去美國讀書，佢哋知道㗎。因為小朋友嘅知識係一世，錢冇咗可以再賺返嚟。」
羅霖指兒子在單親家庭長大，導致心理有陰影，所以會在他們面前扮強者，但被肥媽阻止，她解釋：「肥媽教我要做戲，等佢哋知道媽媽辛苦，要懂得珍惜......記得一次我失聲，要寫紙仔，佢哋以為我就快死，一個煲粥、一個斟水，真係激死！以後我都要扮吓嘢，佢哋成日以為我得30幾歲，我50幾歲腰骨好痛，都要叫佢哋幫吓手。」
最近大仔Nathan大學畢業，二仔Jordan亦已在美國成家立室，並已找到一份實習工作，計劃儲錢後修讀心理學碩士。羅霖表示不想太早抱孫，希望他們先享受二人世界；由於疫情關係，暫時未見過新抱，但早已將所有首飾分成三份給兒子，並已揀定一枚戒指送給新抱。
提到與前夫劉坤銘離婚多年，羅霖表示也想和對方做朋友，更教兒子過時過節要傳訊息給爸爸，她說：「因為你恨一個人，一世都會好辛苦，一定要放低面對未來，憎人只會折磨自己，好蠢！我唔講咁多前夫嘅嘢，我唔可以講佢嘅壞話，總之我哋對仔女嘅相處方法係相反。我講我自己好嘞，免得收律師信。佢而家都有家室，費事以為我仲掛住佢，哈哈，我講笑呀！」
被問有否「第二春」，羅霖表示三名兒子也贊成她拍拖，她亦曾帶同小兒子跟男朋友一起旅行。不過，她怕感情上再遇挫折，現在只專注工作賺錢。她說：「如果遇到就係我嘅福氣，我希望對方能夠同我心靈溝通，好健康，唔好要我照顧，乜嘢年紀都得，不過最重要心地善良，但係我暫時未有對象。」
本文作轉載及備份之用 來源 source: http://hd.stheadline.com
|
鍾意就快D Share啦！
|
|
|
