藝人譚俊彥育有一子一女，而今日正是4歲兒子生日，一家人齊齊為他慶祝，而譚俊彥更於社交平台上載了兒子跟爸爸狄龍的合照，相中的狄龍抱到孫仔實一實，相當有愛。由於父親大人上星期（19日）生日，而之前亦多次訛傳狄龍離世消息，故譚俊彥亦發文：「兩位大俠生日快樂！一位75歲一位4歲，我好感恩可以影到呢張相，我自己愈嚟愈少上社交媒體，因為喺網上嘅世界好多時候都分唔清咩係真係假，傳播一啲假嘅訊息出去係一個好不負責任行為！」他亦指父親現時身體好好，感謝各位擔心他們的家人及朋友：「唔好意思要你哋擔心我亦都希望每年可以做一個快樂嘅攝影師幫佢哋影相。」
譚俊彥接受東網訪問，他謂：「阿爸上星期生日，當時我哋都有喺屋企切蛋糕，而今日我個仔生日，諗住一家人出去食飯，爺爺都畀咗封利是畀囝囝，希望大家都健健康康。」他亦不諱言有不少朋友都致電給他問候爸爸，令到大家擔心都不好意思。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
