曼聯兩大巨頭對新帥人選各持己見。
曼聯近期連續7場不勝，領隊卡域克帥位岌岌可危，更接連爆出利辛度馬天尼斯、般奴費南迪斯「兵變」鬧劇。據報曼聯內亂已蔓延至管理層，兩大巨頭就新領隊人選出現分歧，意大利名帥干地同前德國領隊拿高斯文各有支持，卡域克就暫時「吊命」，今周英超會繼續領軍。
喺歐聯1比4慘敗科木腳下後，曼聯就換帥進行討論，英國《每日郵報》爆料，足球總監韋確斯同轉會總監韋維爾就新帥人選有分歧，韋確斯屬意有英超執教經驗嘅人，包括干地、艾迪侯域、艾美利同靴斯拿，其中前車路士領隊干地係首選，目前自由身嘅佢已願意即刻接手。
不過，職務上負責轉會嘅韋維爾，就力薦德國同胞拿高斯文，消息指曼聯喺夏天決定畀卡域克「坐正」前，原本視拿高斯文係頭號人選，但當時佢專注帶領德國應付世盃，所以曼聯先擱置計劃。依家拿高斯文已離開德國隊，可以自由身隨時上任，自然再入曼聯法眼。
報道指今次選帥行動，將係韋確斯同韋維爾一次權力鬥爭，但「內戰」有可能會拖慢球會換帥計劃。消息指，曼聯行政總裁貝拉達對韋確斯更加信任，韋維爾近幾個月喺球會曝光頻率減少，之前佢負責引入班捷文施斯高、馬菲奧斯根夏等球星，但今年轉會就以韋確斯為首。
喺換帥計劃未有定案下，曼聯周日(25日)聯賽主場對般尼茅夫，將會繼續由卡域克帶隊，周五(23日)亦會如常出席賽前記者會。曼聯喺對般尼茅夫之後，將會對車路士、羅馬(歐聯)同阿士東維拉，跟住就進入國際賽休戰期，卡域克有機會喺高層內鬥期間「吊命」。
足球博彩神器，每日重心提供盡在《彩報》：http://win.on.cc/football/
本文作轉載及備份之用 來源 source: http://hk.on.cc
|
鍾意就快D Share啦！
|
|
|
