視帝郭晉安昨日（27日）激罕上載與老婆歐倩怡撐枱腳相，安仔仲要少女心爆發，加上心心特效，不停發放愛神之箭射落老婆身上，閃爆了一網友的眼睛！真係一係唔閃，一閃就閃盲你，安仔2006年與歐倩怡結婚後，誕下一對仔女，結婚14年堪稱娛樂圈模範夫婦，不過其實都唔係無風無浪，兩人曾經因為子女學業問題而爭吵，安仔都因為拍劇情緒抑鬱，試過冷戰半年，陷離婚邊緣，不過隨着兒子轉校後，兩人關係都見好轉，更愈來愈恩愛。
而歐倩怡多年來都好學不倦，教仔女之餘都醉心學業，婚後開始修讀營養學的她，現在已經是營養學碩士，除考埋市場管理文憑，又考獲船牌，在香港亦已經完成航空理論課程，有計劃到澳洲學揸小型飛機，目標是做有機師牌的營養師。
本文作轉載及備份之用 來源 source: http://hk.on.cc
|
鍾意就快D Share啦！
|
|
|