2021年11月7日星期日

張敬軒宣布演唱會加五場化身最強客服逐一回覆粉絲 #張敬軒

張敬軒宣布演唱會加五場化身最強客服逐一回覆粉絲

張敬軒為防黃牛黨，宣布提早加場。

張敬軒12月紅館演唱會將於後日（9號）公開發售，主辦單位今日提前宣布再加五場，今年聖誕一共開十五場演唱會與歌迷同歡，撲飛歌迷準備9號上午展開上網大作戰。有黃牛乘機向歌迷埋手，留言於某一些討論區，炒到$5000至$8000一張飛，不過軒仔歌迷就好醒，回覆牛牛叫對方：「過主」

出晒名對歌迷好，愛錫歌迷的軒仔，今次就是不想歌迷受黃牛之苦，公開發售不夠人爭，毅然自己拆資七位數（以百萬計）加大網站人流容量，建設網上訂票程式，令歌迷會會員可以早街外一日，8號下午三點進行網上優先訂購，亦有詳細教學指南，告訴歌迷如何訂票。軒仔更犧牲自己睡眠休息時間，化身最強客服，逐一洋洋萬字回覆歌迷留言，軒仔話：「大家唔駛（使）擔心我休息問題，大家有份舉起我，湊到我咁大隻，歌迷有問題，我回覆係應份的。」

軒仔坦言既是開心又有壓力：「壓力只會係來自唔想入場嘅每一位觀眾失望，20周年唔容易，我想大家開開心心咁入場，同時都要帶住滿足心情離開，留下美好回憶；不過希望大家放心，我會照顧好自己身體，期待到時見到大家。」