青年心城丨林正峰處男拍喊戲感壓力 鬥志盡失被黃子雄摑醒
由林正峰（阿峰）和游嘉欣（阿欣）主演的新劇《青年心城之撐起青春》昨晚（7日）大結局，劇情講述自卑心作祟的阿峰，向阿欣道出Loser心聲：「我做咩都要靠你，我係咪成世人都要做你寄生蟲？你存在無時無刻都提醒緊我係Loser。」之後阿欣激動反擊：「失敗唔可恥，最可恥係你不停搵藉口，你唔肯接受失敗，又唔肯反省邊度做得唔夠好，將唔可能改變嘅事實去合理化自己嘅失敗，呢個世界本來就唔公平架啦，個世界都冇欠任何人架！」
林正峰在大結局中為了演繹「自食其果」的阿峰，可謂吃盡苦頭！除了要在草地上痛苦爬行執花球、又要半裸跣出「吹氣水池」、兼硬食堅叔（黃子雄）的巴掌。事緣因腰骨出現問題以致下半身暫時性癱瘓的阿峰，不但變得更頹，且喪喊放負，看到眼前女兒阿欣的愛人鬥志盡失，堅叔看不過眼，並大巴大巴務求摑醒阿峰：「唔想兩腳一伸，就畀啲力企番直！殘係狀態，廢係心態！」
原來是次是正峰首度挑戰喊戲，他坦言接到劇本時勁擔心：「我係冇乜自信嘅人，平時好少喺人面前喊，今次仲要喺咁多人面前喊，開頭真係有啲嚇親，好驚自己喊唔出。之後我不斷請教人應該點做，好彩去到現場係喊到嘅。但因為唔止拍一次，我第二次已經喊唔出，好彩子雄哥幫我，問我點解要喊，之後我就入番戲，好多謝佢。」
結局篇另一亮點，是「後生仔之母」馮盈盈的友情演出，在劇中飾演賢粉Angelina的她，雖然只是客串性質，但卻相當瞓身，除了要全程戴頸箍慘變「梗頸盈」，更要在農曆七月到鬼屋拍戲兼獻出第一次扮女鬼。談到盈盈的女鬼Look全程「唔見樣」，盈盈笑言有難度：「最難係要睇路！現場又黑喎，所以都真係要同事扶我。仲有一樣嘢更加難，就係要忍笑，因為我要一邊唱《皆大歡喜》，一邊跳十字步，實在太滑稽！」談到再與「後生仔」合作，盈盈笑言開心又輕鬆：「因為我哋成班合作咗好耐，一早有晒默契，所以一埋位就有火花，大家都拍得好投入！」
|
鍾意就快D Share啦！
|
|
|