朱栢康《造星IV》評語瘋狂中夾英 網民批刻意做作
朱栢康香港演藝學院出身，既是舞台劇劇帝，更曾入圍金馬及金像獎影帝，實力毋庸置疑。近日為ViuTV《全民造星IV》擔任首回合評判之一，完全夠晒資格。不過朱栢康講評語時，每次都瘋狂中夾英，惹網民反感，批評他刻意兼做作。
有網民於討論區以「全民造星評判朱柏康可唔可以唔好再夾硬塞英文入去評語度？」為題出Post，引起網民討論，不少人都表示有同感。有網民留言指雖然中夾英說話是香港人特色，但朱栢康似乎有些刻意，似乎想用英文提高自己專業性。但有網民就力撐朱栢康，可能平時講慣英文，一時轉唔切，樓主反駁指：「佢係加英文落無意義嘅嘢度，令到句嘢勁累贅。」
雖然有網民對朱栢康瘋狂中夾英講嘢反感，但仍大讚他專業，亦表示他是三位評判中，最願意說評語的人，而且評語都好中肯。
本文作轉載及備份之用 來源 source: http://hd.stheadline.com
|
鍾意就快D Share啦！
|
|
|