藝人羅子溢剛於上星期再做老竇，太太楊茜堯生咗個B仔，湊成一個好字！一直保密喜訊嘅佢，佢之前突然喺社文網大晒BB腳仔相報喜，令到一吹網民相當驚訝，但係B仔嘅樣子就從未曝光！到咗今日（23日）羅子溢喺社交網大晒一家四口嘅全家福，終於睇到B仔個樣啦，雖然B仔先啱啱出世冇耐，但係已經有唔少頭髮，五官立體，望落似老竇羅子溢一樣咁靚仔呀，而久未露面嘅楊茜堯望落面尖尖，生完B都完全冇水腫！
羅子溢留言多謝大家祝福，並感激太太：「連日嚟收到大家嘅訊息，感謝大家嘅祝福！作為丈夫，好感激太太嘅付出，懷孕期間太太同時要照顧心心，又要打理各方面嘅事情，要好感激太太嘅一切一切，當細佬出世嘅時候，睇到心心有微妙嘅轉變，感覺佢突然長大，可能感受到自己係姐姐，睇到佢主動摸細佬、錫細佬，我同太太都好感動，作為父母最大心願都係希望自己嘅小朋友能快樂、健康成長！」佢仲有感謝醫護人員連日嚟嘅照顧。
而佢接受訪問時話：「細仔出世有7磅幾，相比起大女出世嗰陣就胃口好啲，但無論係湊仔定湊女都一樣係咁攰囉！」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
