洪永城與C君擔任監製及演出歷時3年創作的原創劇集《凶宅清潔師》，在myTV SUPER率先推出，兩人今日（7日）在將軍澳電視城出席記者會。洪永城在台上笑言今次最大的挑戰是與J2創意總監C君合作，他笑說：「依家唔敢潤佢，驚出年J2節目冇我份。」C君則笑說：「你潤唔潤我都冇份啦。」
昨日（6日）是洪永城生日，大會突然送上蛋糕，他透露大肚太太BB將在一個星期內生得，即感動得眼濕濕，他受訪時說：「呢個月自己有兩個『BB』出世，好開心、好興奮，自己覺得好幸福、好幸運。（就嚟做老竇緊唔緊張？）醫生話一星期內出世，叫我哋做定心理準備，已經同《法證先鋒V》請咗兩星期假，老婆同BB改咗乳名『洪寶寶』，中文名就出世後搵師傅改。」C君笑說：「點解唔叫做『洪薄仔』？」洪永城笑說：「女仔嚟㗎嘛，同埋我本紅簿仔一早都去咗老婆度。」
洪永城透露昨日與老婆到南丫島散步食豆腐花，享受最後一個二人世界生日，期間更有驚喜，他笑說：「老婆突然話個肚好痛，我話唔好痛住呀，呢度南丫島嚟㗎，不過後來冇事。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|