藝人馬德鐘、陳自瑤、曹永廉及楊卓娜等，今日（20日）下午出席無綫新劇《有種好男人》開鏡拜神，有份參演的李佳芯因病臨時缺席。戲內陳自瑤演馬德鐘姑姐，今次兩人對手戲頗多，前者更形容：「04年我哋拍過《四葉草》，當時馬德鐘演我哋嘅教練，群戲比較多，所以算係首次真真正正嘅合作，但連工作人員都讚我哋好有默契，成日都笑到標眼水！」馬德鐘不忘大讚陳自瑤是位勤力及認真的演員。
談到憑參演劇集《寶寶大過天》入圍台慶頒奬禮「最佳女配角」5強，陳自瑤表示：「平常心啦，都有少少緊張嘅，其餘4位對手都好強。（到時性感出席？）依家搵緊衫。（會唔會問吓老公王浩信意見？）工作上嘅嘢自己話事。（你哋喺網絡交流，互相支持喎。）好多人都好支持我，咁啱佢有新戲上，見佢拍得好辛苦，想支持吓啫。（關係好咗？）都係支持吓，大家唔好諗到咁複雜。（今年家庭事業都好美滿？）唔回應咁多喇，總之好開心啦。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|