日本旅遊達人杜如風今日（7日）現身銅鑼灣，為日本燒肉放題店開幕禮擔任嘉賓，喜獲大會贈送金色圍裙及一世任食和牛放題VIP卡，興奮得舉V合照！受訪時講到她有任食金牌，她繼續Keep住Hyper話：「講到食和牛，我係坐亞望冠。（最多一次過食幾多？）其實我食得唔多，但食得精，好嘴刁！難得去日本當然係食最好！」
疫情爆發至今有兩年，她扁嘴慘爆話足足有兩年半冇返「鄉下」，思鄉病爆發：「好痛苦！以前一年都會去5、6次㗎！（有冇諗過隔離都要去？）有諗過！但冇人陪我隔離好悶！」雖然冇得飛日本Shopping，但她笑謂：「向來都買得多，不過以前一見到鍾意就會買，但現在會先諗3日，如果第3日仲掛住先去買，節儉咗嘅，哈哈！」她坦言若然通關，首個地方必定是日本：「到時連棺材本都揈埋！」續透露現時都有同製作人開會構思新節目：「未諗到主題，做飲食節目大把人叻過我。（教人喺香港瘋狂洗錢？）我怕拍唔到10集。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
