全城熱論台灣天王王力宏嘅離婚風波，當中因李靚蕾於「萬字屠宏文」中提到王力宏明知違反法規都要去見「已婚炮友」，即令網友聯想起今年9月佢因未有實行進行7天自主管理，就立刻去台灣女星徐若瑄屋企飯敍而被政府罰款一事，徐若瑄隨即「中箭」。雖然徐若瑄已經急急於今日（18日）凌晨發聲明，要求大眾撤回不當報道同發言等，又話要訴諸法律，但佢依然站在風口浪尖。唔少網友就擔心即將喺月尾出街嘅台劇《華燈初上》第二部會受佢影響，皆因徐若瑄將會飾演前任「媽咪」瓊芳，喺預告片中更企正中間位，網友就擔心如果佢戲份重，加上依家捲入醜聞，會令新劇延遲出街或上映無期，甚或影響收視。
對此，《華》製作方今日（18日）回應網友疑累，稱：「謝謝大家關心，不會影響《華燈》宣傳，請大家準時收看第二部。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
