台灣藝人大S（徐熙媛）同內地富二代老公汪小菲宣布離婚後，即有傳汪小菲離婚前與一名貌似「凍齡女神」朱茵嘅25歲女主播張穎穎出軌一年，甚至有汪母張蘭同張穎穎合照流出，不過汪小菲極速否認戀情，大鬧「惡意造謠，故意詆毀」！點知講完冇幾日，汪小菲就被拍得喺16日現身北京，本身一支公等人嘅佢，同司機齊齊坐名車Loop電話，等足半個鐘之後就見到一位長髮女子上車，疑似係同佢傳緋聞嘅張穎穎。
二人喺車上未見有親密行為，汪小菲就食住雪茄同朋友玩FaceTime，身旁女伴就低頭撳電話，之後就齊齊去咗汪小菲住所，當晚未見二人離開。點知兩天後，同一名長髮女子再被發現身穿白色羽絨出現汪小菲住處，但該社區有門禁，佢就企門口打電話，不久後門被打開，佢就入去一直留到晚上10點幾都沒見離開。
對於今次被斷正，大S就事件回應台媒，大方祝福前夫：「對我來說都過去了，我珍惜當下，祝福小菲。」而大S媽媽就對台媒表示：「不要問我不知道的事。（大S是否早已知道此事？）我統統不知道。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
