古巨基讚MC唱得好，後者開心到癲。
古巨基早前預告其聯乘專輯「I.R.L.T.S.」將會跟Tyson Yoshi合作，昨晚（16日）就再透露另一個合作單位是MC張天賦。
對於今次合作，MC興奮表示：「我真係好鬼開心呀！多謝你邀請。」又自爆小學二年級就聽基仔嘅歌，人生第一張買的專輯就是基仔的《星戰》，更記得專輯第一首歌是《天才與白痴》，「我三、四年級時記得你出咗隻精選，係大碟嚟o架，由嗰陣時開始我就煲晒你所有歌。」基仔表示「I.R.L.T.S.」project是想將自己的歌remake，便問MC對於哪一首歌特別深刻，MC立即如數家珍，「《一生何求》、《還是覺得你最好》我都好鍾意，仲有《愛變了這世界襯衣》、《愛與誠》、《傷追人》、《漂流教室》、《任天堂流淚》。」
古巨基拍晒手好欣賞。
MC之後又分享小學上網買歌的趣事，「《愛變了這世界襯衣》就係其中一首我上網買嘅歌，最後張月結單過千蚊，俾daddy打到飛起，我記得嗰陣時係廿蚊一隻歌，再計埋上網download，跟住成條數就好襟計。」他又說自己有一個扮基仔唱歌的習慣，令基仔相當驚訝，便着MC即席表演。MC拿着結他自彈自唱《愛與誠》後，基仔大讚「好好聽」，更邀請對方同台合唱：「如果第時我開show，搵你嚟一齊唱《愛與誠》。」
MC即席表演。
基仔都很開心MC對自己的歌曲如此熟悉：「因為你啱啱講嘅有好多未必有機會plug，但係你都咁熟，多謝你。」MC直言：「因為我真係成隻專輯download落嚟，成隻煲晒o架。」基仔感觸地說：「我真係多謝你，因為可能好多人都係聽主打歌，但你連裏面都『嗒』埋，我覺得做碟能夠成隻有知音聽到，我係好開心，多謝你。你加油呀，你真係唱得好好。我有睇到你live，你唱live 好穩定，真係好好。」被基仔大讚，MC都難掩興奮，邊笑邊說：「多謝多謝多謝⋯⋯哈哈，好鬼開心呀我！你係代表住一個『時代』！陪住我大！」
古巨基呢一年主力湊仔。
古巨基跟得好貼，之前MIRROR開Show佢都有去睇。
|
鍾意就快D Share啦！
|
|
|
