藝人湯怡同排舞師老公麥秋成拍拖半年就奉女成婚，去年6月誕下愛女「麥QQ」，依家佢就做在職媽媽，邊拍戲同時又湊BB，為咗Keep人氣佢亦周不時同粉絲玩「你問我答」，點知近日有口臭網友竟留言指：「你覺得麥大秋出面有幾多個女人，你扮幸福扮得好假，枉你仲係演員。」湯怡即貼上幸福家庭照，仲Nice爆咁回覆對方：「多謝一直有一少撮人一直都特別關心我哋嘅婚姻，我係一個演員，自問演技唔係特別好，所以我真係唔知點扮亦唔識扮幸福，作為演員我係要研究一下嘅，多謝你嘅提點，而我哋嘅婚姻生活，只可以講『時間會證明一切』，謝謝。」
唔知係咪被網友嘅留言激親，之後佢嘅回覆都多次提起佢嘅家庭生活，好似晒出多張同囡囡嘅合照，大談餵人奶同產後減肥Topic，仲晒出麥秋成當時求婚嘅Backdrop相，加上網友提問「如果唔係有咗，會唔會咁快結？」，湯怡即留言反擊：「唔會，但大家講過兩年後都會結。」講到明二人一早有晒結婚Plan。
本文作轉載及備份之用 來源 source: http://hk.on.cc
|
鍾意就快D Share啦！
|
|
|