歌手吳業坤和姚焯菲（Chantel）今日（5日）出席《香港金曲頒獎典禮 2021/2022》記者會，坤坤笑言之前講過要做對方歌迷會會長，但現時做番歌迷就算：「我真係欣賞佢嘅音樂，唔想大家誤會我係怪叔叔，之前喺後台見到佢爸爸，我哋都有傾偈。（行外父政策？）唔係！話番畀佢爸爸知，我唔係咁，等佢安心啲。（佢有冇叫你遠離佢個女？）絕對冇，仲問我使唔使同Chantel合照。」問到之後可會否想與Chantel合唱？他表示：「等佢個人音樂發展咗先，佢識得選擇先，佢都大把選擇。（唔揀你會唔會唔開心？）冇乜所謂，做歌迷已滿足。」提到港台和無綫合辦頒獎禮，他表示好開心：「好耐冇見過咁多唔同人同唔同咪牌，我都有攞唔同咪牌影相，感覺好似打開咗缺口，希望將來可以去到更多唔同嘅平台唱歌。」
而Chantel表示，開心見到很多來自不同唱片公司的歌手，但直言之前冇睇過《勁歌》總選，她笑言：「我睇卡通片多。（對新人獎有冇信心？）順其自然。（想同其他公司歌手合作？）暫時想同番《聲夢傳奇》學員合作先，未係每一個都合作過。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|