「樂壇校長」譚詠麟（阿倫）被指相隔31年再踏內地央視春晚舞台，將聯同其他「溫拿樂隊」成員鍾鎮濤（阿B）、陳友、彭健新及葉智強向歌迷賀新歲。日前就有網友巧遇阿倫，雖然佢喺樂壇地位超然，兼且都成71歲人，但仍然「寶刀未老」，自己背囊自己孭，兼且有心有力，不用助手或工作人員幫拖，自己郁手搬重型行李篋，而他的白色大篋貼了「國寶」熊貓貼紙，相當有童真，網民睇見他肯親力親為，大讚他零大明星架子，是後輩的好榜樣，有人問他參加了幾多次春晚呀？他說：「不記得了，很多次。」
阿B就綵排時現身，因為那日天氣實在太嚴寒，明白身子要緊的他，着了件好大的羽絨褸保暖，正面睇件褸冇特別，不過後面睇，就知他好貼近當地民情，因為件褸有個好大隻嘅「CHINA」字，阿B今次是首次為央視春晚表演，相信溫拿的粉絲好想新年快點到，因為心急睇「溫拿五虎」！
本文作轉載及備份之用 來源 source: http://hk.on.cc
|
鍾意就快D Share啦！
|
|
|