黎燕珊（珊姐）今日（3/1）負傷現身荔枝角出席無綫劇集《異搜店》宣傳造勢活動。提到左手食指傷勢，珊姐笑指日前因刀切鹹魚時一時分神意外割傷流血，需要即時入醫為傷口縫針：「喺平安夜前夕晚，我睇完呢套劇之後，突然好想食鹹魚，於是入廚房攞條鹹魚出嚟切，唔知點唔留神就切中咗隻手指，啲血即刻噴咗出嚟，於是我就即刻大叫，叫個仔幫我攞急救箱，用繃帶止血。我個仔見到我成手血，嚇到佢成個人都震晒，反而要我安慰番佢。」
珊姐續說：「然之後我就入咗法國醫院睇急症，但院方就話傷口要縫針，埋單需要12000蚊，嗰吓我聽到都打咗個突，於是即刻要佢哋寫紙俾我去政府醫院度睇。但去到政府醫院我要等成7個鐘先睇完，醫生幫我傷口縫咗三針。不過埋單我只係用咗188蚊，足足慳咗成萬蚊。雖然時間係長啲，但我都覺得值。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|