今日(19/2)是肥姐沈殿霞的忌辰，女兒鄭欣宜在社交平台分享小時候和媽咪的合照，發長文緬懷媽咪之餘，更開到聲希望找到一個像媽咪一樣疼惜她的人。
相中的欣宜表情古靈精怪，她在文中自言由6歲至13歲期間影過的所有相入面，她的樣子都是古靈精怪，因為她小時候真的很曳，雖然肥姐一向疼惜她，但也是一個嚴厲的媽咪：「當我嘈喧巴閉、跑來跑去、坐唔定嘅時候佢只會大聲喝我一聲『鄭欣宜』，再加多一個嚴厲眼神我就會靜止下來（其實通常唔使講任何野（嘢），掘我一眼就夠）。但當我最跩（曳）最跩（曳）例如蝦婆婆或者突然變Moody黑起塊面冇禮貌唔睬人或者講大話時⋯佢真係會兜巴星我。然後佢就會叫我跪喺地下掹住耳仔。最搞笑係，俾佢打完，我梗係會喊啦～佢就會叫我『唔準（准）喊！』」
當欣宜掙扎緊想喊但又不准喊的時候，就會反思為什麼自己會被罵？當她想通感到內疚時，媽咪一定會叫她「過嚟，錫返」，又會攬住她，好聲好氣解釋她做錯甚麼。欣宜續指媽咪已經離開了14年，自己都已經35歲，愈大就愈珍惜這種不離不棄的感情，希望自己也能找到一個同樣對她不離不棄的人：「當我嘈喧巴閉、跑來跑去、坐唔定嘅時候⋯當我唔覺意發洩我嘅脾氣喺別人身上、突然變Moody黑起塊面冇禮貌唔睬人（yes, i still do this often）、當我唔知點處理問題然而瞞騙世界進入報喜不報優（憂）的狀態嘅時後（候）⋯都能接受我嘅好與壞，在任何情況的最終都會叫我『過嚟，錫返』嘅人⋯就好????。」最後更hashtag「我仍會等」，不少網民都為她加油，相信她一定遇到這個人。
今日是肥姐沈殿霞的忌辰，女兒鄭欣宜在社交平台分享小時候和媽咪的合照，發長文緬懷媽咪。
鄭欣宜爆指肥姐雖然一向疼惜自己，但她也是一個嚴厲的媽咪。
本文作轉載及備份之用 來源 source: http://eastweek.my-magazine.me
|
鍾意就快D Share啦！
|
|
|