藝人姚子羚與陳山聰今日出席劇集《鐵拳英雄》的宣傳活動，另外兩位主角唐詩詠及陳展鵬分別因病及拍劇而未能到場，該劇收視達25點，成績不俗，山聰現場許下承諾：「如果有35點收視，我就着泳褲。」並游說子羚着三點式：「真係好耐冇35點，如果有就犧牲吓。」子羚隨即答應，但補說：「三點式加件褸」
提到胡定欣與李施嬅探望山聰的兒子Jaco，施嬅成功冧得Jaco笑，但Jaco就冷淡對待定欣，山聰解釋：「因為定欣成日整鬼Jaco，其實有啲佢兩個好老友嘅片，但我冇擺出嚟，Warm Up咗之後，佢一直畀定欣抱住都冇問題。（你喺社交網留言話懷疑定欣有體臭，所以Jaco咁樣對定欣？）原本佢睇唔到我留言，但有報道寫咗出嚟，佢即時打嚟鬧我『玩嘢呀』，我要封多兩封大利是畀佢。」
另外，講到新年，子羚透露有去拜神：「因為犯太歲，所以去求個安心。（有冇求姻緣？）除咗希望劇集收視好，我都有求姻緣，希望早日遇到如意郎君。（你唔係已經有？）如意郎君唔嫌多。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
