型男陳偉霆（William）冇因為事業同愛情兩得意，因而遺忘香港粉絲，相隔對上嗰首廣東歌《有借有還》9年後，再推出另一力作《護航》，而新歌MV，佢仲玩埋濕身迷誘惑，着住件白色背心走去沖涼，啲水一淋落身，就好似着咗件透視裝咁，6舊腹肌若隱若現，睇到女紛絲口水流。除咗佢個Body夠吸睛外，佢又有新女上場，咪誤會，只係佢MV女主角啫，而呢位MV女郎大有來頭，就係同內地小花迪麗熱巴一樣都係來自新疆嘅迪麗娜孜。
娜孜除咗都係靚女一名，係歌手亦係演員，擔任過內地小鮮肉蔡徐坤嘅《感受她》MV女郎，又擔任過新春節目《家和萬事興》嘅第二女主角。不過要做William新女一啲都唔容易，因為拍William嘅MV都係要經過篩選，有工作人員就咁講娜孜：「她認真工作的態度，得到了拍攝團隊以及陳偉霆的高度認可和讚賞。」咁事實又係抵讚嘅，娜孜等個MV上架後，就喺自己個社交網甫拍攝花絮片，鳴謝William同現場工作人員，佢咁識做人，相信呢位靚女前途無限。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
