熱爆娛樂: 七師傅虎年運程 #七師傅

2022年2月1日星期二

七師傅虎年運程 #七師傅

七師傅預測MIRROR 六子虎年運勢：

七師傅預測MIRROR六子運勢。（葉志明攝）

1. 姜濤（兔）（IG/ @keung_show）

七師傅說：「屬兔人士2022年有紅鸞星動。紅鸞星代表結婚、拍拖，好多喜事發生，當然姜濤唔會結婚，結婚啲人當然好失望。咁2022年好多喜慶事同大家分享，例如攞獎，所以2022年姜濤都係好旺。」(keung_show@Instagram)

2. Anson Lo盧瀚霆（豬）（IG：@ansonlht）

七師傅說：「屬豬今年有太陰星入命。太陰係屬於女性貴人，Anson Lo今年有好多女性貴人幫佢，所以佢今年事業都好旺。但佢今年犯太歲，但程度唔嚴重，都有8成好運，但犯太歲啲嘢都係唔係好順利，所以要早啲化太歲。」（Anson Lo IG）

究竟姜濤定Anson Lo紅啲？（《超感應學園》劇照）

七師傅說：「兩位比較，由於姜濤紅鸞星，同埋佢2022年運好，但由於Anson Lo犯太歲，所以啲嘢有啲波折，所以平時要小心啲。」（影片截圖：ViuTV）

3. Edan呂爵安（鼠）（IG@edanlui）

七師傅：「屬鼠今年有好多喜慶事，因為有吉星，所以發展都會幾好。佢冇犯太歲，又冇話屬雞咁旺，但整體都唔錯。」（葉志明攝）

4. Jer柳應廷（猴）

七師傅：「屬猴今年沖太歲，今年會好多變化，可能工作方面有好大挑戰。」（LOEWE）

Ian陳卓賢（雞）。（IG @iancychan）

七師傅：「屬雞今年好旺，事業運又旺。因為佢有好多吉星，月德、華蓋，代表藝術星，仲有福德星，佢有咁多好星，事業、人緣、財運都好，所以佢今年係好旺好旺。」

Anson Kong江𤒹生（猴）。（IG@_kisang_）

七師傅：「佢都係屬馬騮。逢親同太歲一沖，家庭、健康、事業各方面都有好大衝擊，可能會創業、做生意，做啲佢平時冇嘗試過嘅嘢。但犯太歲唔需要驚，好多時候有新變化，嘗試吓，點解唔得呢？」（梁碧玲攝）

七師傅：「如果AK今年開鋪頭，都可以沖太歲呢樣嘢。至於生意就會爭啲，因為佢犯太歲，所以財運會麻麻哋。」（梁碧玲攝）

爆谷一周 | 七仙羽曾救人一命？　爆料有粉絲因為佢決定唔跳樓

J. Arie爆料七師傅好鍾意派錢。（《爆谷一周》節目截圖）

曾經因為J.Arie一句玩笑話而派2000元給她，令J.Arie大感驚訝。（《爆谷一周》節目截圖）

Kathy仔話七師傅私底下的廣東話十分標準。（《爆谷一周》節目截圖）

但上節目就不標準，她更讚七師傅是聰明人，「佢有度過。」（《爆谷一周》節目截圖）

七師傅上節目，扮港姐繞場一圈。（《爆谷一周》節目截圖）。

七師傅爆料話，有人睇完《七救星》決定唔跳樓。（《爆谷一周》節目截圖）

她說：「之前有個人跳樓之前睇完《七救星》之後冇跳我就問：『點解你唔跳？』佢話睇完《七救星》就冇跳到啦。」（《爆谷一周》節目截圖）

谷德昭驚訝地問：「佢跳開咩話？」七師傅毫不遲疑地回答：「跳開樓！」（《爆谷一周》節目截圖）

谷德昭爆笑問：「即係佢一路跳一路睇電視？」七師傅話：「冇錯，喺天台。」（《爆谷一周》節目截圖）

七師傅續指：「睇完佢話想睇下一集，想睇J.Arie慘成點，想追下一集，愈追愈上咗癮，最後就唔跳」（《爆谷一周》節目截圖）

七師傅話修行人不造口孽，故她會在背後、廁所偷偷地講人壞話。（《爆谷一周》節目截圖）

傾起財位，她指財位會在能量強的地方，坐在財位的人心跳會特別快，突然就摸上了J.Arie的心口。（《爆谷一周》節目截圖）

她又經常作媒人，曾介紹郭奕芯給ViuTV高層魯生。（《爆谷一周》節目截圖）

谷德昭稱，有位ViuTV高層暗戀《全民造星IV》參賽者。（《爆谷一周》節目截圖）

他說：「本台都幾亂，有一位ViuTV男高層，就同一位《造星》嘅參賽者曖昧咗一輪。」（《爆谷一周》節目截圖）。

該ViuTV男高層承諾該女參賽者：「如果冇人揀你，我就揀你」更問七師傅最後二人能否開花結果。（《爆谷一周》節目截圖）

原來男高層是ViuTV吉祥物生Bear，女參賽者是生菜。（《爆谷一周》節目截圖）

七師傅決定唔幫手，因為次次問ViuTV攞吉祥物，ViuTV方面都以是限量版為由拒絕。（《爆谷一周》節目截圖）

林盛斌教4大新年催旺財運方法　有朋友只用2年由欠債變谷底翻身

Bob分享真人真事。他說：「早兩、三年，我識咗位朋友，佢係一個做生意幾叻嘅人，中間就因為生意做得唔係太好，就非常之失敗，仲爭人好多錢。」（影片截圖）

他續表示：「但佢只係用咗短短兩年時間，就可以由谷底全面翻身，生意愈來愈好，人緣愈來愈好。」（影片截圖）

Bob：「咁我就好有興趣問佢我就問老闆，點解你可以咁叻，谷底翻身，咁好運㗎呢？」友人就分享了4個逆轉運氣的方法。（影片截圖）

第一個方法：笑多一點。（影片截圖）

Bob說：「笑多啲係一個令自己運氣馬上提升嘅一個好好嘅方法。」（影片截圖）

友人解釋道，微笑是很大力量：「因為你笑多啲嘅時候，身邊嘅人係願意同你傾偈，願意同你溝通，願意同你交往，所有嘢都係由笑開始嘅。」（影片截圖）

Bob思考過後認同，他說：「咁我諗返我自己都係，如果嗰一期我唔係好開心，成日都苦口苦面，你又發現啲運會爭好遠。」（影片截圖）

第二個方法：少抱怨，多讚美（影片截圖）

Bob：「其實一個人嘅運氣同身邊嘅風水好有關係㗎！咩叫身邊嘅風水呀？即係你身邊嘅朋友、屋企人，呢啲嘢全部都係影響緊你。」（影片截圖）

Bob指要遠離負能量的人，他說：「如果你成日自怨自艾嘅，要改咗佢。如果你身邊嘅朋友係咁嘅話，你勸吓佢，叫佢唔好成日投訴抱怨。如果講過好多次佢都唔聽，咁就請你慢慢遠離呢啲人，因為佢會拖累你。」（影片截圖）

他又指：「如果你見到你嘅朋友剪咗新髮型，你讚吓佢，你髮型幾靚喎！你朋友買咗件新衫，著出嚟之後讚佢，你著得幾靚。」（影片截圖）

Bob：「又或者你朋友幫咗你，你多謝佢，講幾句讚美嘅說話，你好好，好樂於助人。講多啲呢啲說話，呢啲說話係令你氣場更加好，身邊嘅人願意同你傾偈，幫助你、親近你多啲。自然地風水好，運勢自然好。」（影片截圖）

Bob又指經常看見網上討論區的負面留言，：「當你咁唔開心去留一啲咁負面嘅留言呢，個能量係好差，我相信佢哋嘅生活都唔係太開心。」（影片截圖）

第三個方法：戒除所有負面想法、情緒。（影片截圖）

Bob坦言：「唔好畀呢啲情緒影響你太耐，可能兩、三個鐘頭，三、四個鐘頭，夠㗎唔好將呢啲唔開心嘅負面情緒留到第二日。」（影片截圖）

Bob指人的運勢其實是一道氣，「當你每一日都精神抖擻，行出嚟好友氣勢，好有氣場，你嘅運氣、運勢自然增加。」（影片截圖）

而當你經常自怨自艾，歎氣，「你嘅氣場自自然然會下跌，係你自己攞嚟。」所以心態要更積極。（影片截圖）

第四個方法：做多啲有利他人的事。（影片截圖）

Bob提醒：「切記要係你能力範圍之內，可以做到，為別人帶來價值嘅事。」（影片截圖）

日子有功，Bob說：「如果你做得呢啲嘢多嘅話，感恩嘅人係會愈嚟愈多。好簡單，當你係個受眾，如果有人幫你，你會記住，你會幫返其他人，或者幫你嗰個人。」（影片截圖）

Bob說：「你對佢好，佢咪對你好。你對佢更好，佢咪對你更好。如果你做返對人好嘅事情，最後所有嘅事情，都會回報到你身上。」（影片截圖）

Bob總結道，狀態是風水，心態是運氣，最重要是鍛煉到內心強大，運氣、事業、人緣自然會變好。（影片截圖）

本文作轉載及備份之用來源 source: http://www.hk01.com

鍾意就快D Share啦！