疫情嚴峻，唔少人都因為冇工開，收入大減，但藝人林盛斌（Bob）就相反，仲愈嚟愈發！今日（28日）佢喺社交網上載一張相片，影低佢一家6口之前住嘅三層獨立屋，並寫道：「拜拜，多謝你呢三年為我哋遮風擋雨。」唔少網民都勁羨慕兼戥佢開心，留言話：「Bob爺好勁，呢個時勢再搬大屋。」、「住得起好叻！一個能承擔所有屋企人使費嘅人，仲叻！」、「不管將來住大，住細！得或失，總算成功過，努力過！」、「Good Luck!愈搬愈大，羨慕！」唔知呢位隱形富豪今次又搬去邊呢？真係令人期待呀！
Bob接受東網訪問表示：「其實都係搬返去九龍塘附近，因為舊屋完約，又咁啱畀我搵到呢間屋，風水又幾好，環境又唔錯，又光猛啲，所以決定搬，以前嗰度對住大馬路，比較嘈，依家呢度安靜啲，有時轉換吓新環境，都可以畀到自己一啲新嘅感覺，新嘅動力，繼續努力工作，畀多啲心機去做好自己！」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
