藝人林欣彤今日（19日）於社交網表示自己疑似確診新冠肺炎，指幾日前已經開始有病徵，佢就連日試咗坊間撩鼻及脷底方式嘅快速測試包，其中一個測試結果顯示為確診，佢續表示今日會用政府嘅樽仔再去做檢測，去確認自己是否已確診。
林欣彤發文附上兩個不同類型快速測試包嘅結果，其中一個顯示為確診，但另一個結果則為未有確診，因此林欣彤表示唔知自己係唔係肯定已經中招，並表示會新自己最新情況。佢發文又提到自己其實連日用連續幾日用撩鼻方式嘅快速測試包，結果均為冇確診，到咗今日佢有感病徵嚴重咗，即去用另一牌子嘅脷底式快速測試包，點知就見到「兩條線」，即為確診，而佢同住嘅身邊人亦同告確診。
林欣彤續指質疑唔同方法或牌子嘅測試包嘅結果，當中佢用撩鼻方式嘅測試包顯示冇確診，但佢同住嘅身邊人用完就顯示為確診，因此佢呼籲大眾懷疑自己中招，可嘗試用不同方法、牌子嘅測試包去檢視結果。
林欣彤就事件回應東網，指自己多日留在家中自我隔離及休息，並已經托人拎政府樽仔再做化驗：「前幾天覺得喉嚨痛及頭痛，所以有做快速測試，頭幾日check了都是未有確診，直至今日才Check到確診結果。所以已經搵人幫手拎政府嘅樽仔再做化驗。知道醫療系統最近都非常爆滿，所以這幾天都一直留在家中自我隔離及休息，沒有出門或接觸其他人。希望大家都保重身體，多謝關心。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|