娛樂圈爆疫，歌手張惠雅今日（22日）自爆確診新冠肺炎，暫居離島長洲開餐廳嘅佢透露於20日凌晨發病，但由於連日大雨甚少人到訪長洲，故佢未有開舖與人接觸，目前餐廳會繼續停業。佢又交代指基本上平時只會宅在家中，故暫時未知源頭，而屋企人都冇感染症狀，但家人暫時都會一同留在家中。佢續指起初未有為意係確診，只以自己冷病，初時有鼻水、發燒、發冷，隨後開始喉嚨痛，直至今日回到市區後進行快速檢測才發現染疫，佢又笑指當時情況狼狽：「我覺得當時好似一個通緝犯，落雨個頭又濕，好猥瑣，成件事都好狼狽，我匿埋喺廁所幫自己檢測，係咪諗到個畫面都覺得好可憐。」並指隨即將自己反鎖在廁所，當時不知何去何從，一度無助爆喊，幸好家人未有介意畀佢回家先有容身之所，但就強調會自困喺房間直至痊愈為止，又提供近日行程畀大家參考。
另外，無綫藝人「後生仔」劉頌鵬亦自爆染疫，指：「I’m so lucky…第7天了，仍然是2線 positive！希望我快啲變一線啦。中咗唔洗驚，唔中唔好睇輕，人無事先做到世界冠軍。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|