王祖藍近期可謂相當「惹火」，去年1月獲公布出任無綫首創意官的他，早前被爆與曾勵玲、樂易玲鬧不和後，鄧兆尊日前於網上節目中「爆料」，指王祖藍對於無綫找C君（鄭詩君）擔任J2台創意總監感不滿，對方做嘢唔得，節目主持反應極之錯愕，並追問從何得知？鄧兆尊即再補充：「我返TVB嘅時候，啲幕後同我講嘅。」
至於祖藍與曾勵珍、樂易玲鬧不和，鄧兆尊則力撐曾勵珍，大讚對方雖然惡，但是一位心地非常好的人，如有些藝員屋企有問題，她就會着對方加入處境劇劇組，等有機會搵錢，紓解困難。鄧兆尊亦指出，其實無綫高層各有職務，大家的大方向都只是想TVB好。
對於傳聞，東網聯絡上C君，他表示：「睇到呢個傳聞啦，我都知好多人鍾意聽古仔同八卦嘅，但話係幕後人講，咁邊個人講呢？我覺得個故事嘅邏輯性有啲得意囉。王祖藍係大台嘅高層，我只係一個J2台一個細台嘅小小嘅睇節目嘅人啫，何得何能令人不滿呢？（會唔會令你同祖藍有心病？）點會？我哋仲互傳Message，大家一齊攞嚟笑吓，其實我回唔回應都冇所謂啦，都唔係事實。（你同祖藍友好嗎？）冇任何不和，否則唔會互傳Message，總之一笑置之啦。」
另外，無綫高層樂易玲在將軍澳電視城出席邵氏劇集《飛虎3壯志英雄》記招，講到最近傳與王祖藍，因鍾嘉欣失視后而鬧不和，她則否認說：「幾十歲人邊有交嗌，都冇咁嘅事，祖藍都回應晒，佢都話唔係事實嘅嘢就唔使講啦。做咗呢行幾多年呀?成日都有呢啲㗎啦，都唔新鮮。（邊個攞視后有冇分歧？）咁多年都有投票機制，呢啲唔好喺度講，出年再講啦，有新聞喺好大家注意呢個獎項，冇新聞邊有娛樂呢。」她強調大家沒有因此事不開心。
講到「蟲草大王」陳恩德因與李佳芯傳緋聞，被要求出席活動時禁止拍攝合照，他感受辱抽起TVB千萬廣告，樂小姐表示：「我唔知佢落咗幾多錢廣告，要問番廣告部。」她又重申當日活動並非公司的工作，藝人有權利不出席，經理人立場會照顧藝人意願，公司亦覺得首要是保護藝人，老闆更加沒有給予壓力，她語帶相關笑說：「佢（陳恩德）追緊女仔呀?」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
