黃文慧拍《嚦咕嚦咕新年財》曾NG50次 不談婚嫁：我唔敢賭呢鋪
黃文慧在2002年經典賀歲片《嚦咕嚦咕新年財》中，扮演出腦退化症奶奶，深入民心，而近年每逢過年必定重播此經典賀歲片，依然令不少人回味無窮。現年72歲的黃文慧日前接受商台《1圈圈 星光背後》訪問，她在1965年報考「仙鶴港聯」藝員訓練班入行，經歷粵語片、TVB、亞視等多個時期，83年《神鵰俠侶》的「梅超風」，與及《嚦咕嚦咕新年財》奶奶都是她的代表作，黃文慧說：「《嚦咕嚦咕新年財》要多謝杜琪峯搵我，到今日出街仍然有人叫我：『奶奶！唔好誅我！』」
因曾有照顧腦退化症母親的經驗，黃文慧坦言令她更易代入電影中奶奶一角，不過，她最難忘當年拍攝一幕唸急口令的獨腳戲：「嗰場戲差唔多等到天光拍，係我唸食餬數番對白嘅近鏡，但我NG咗足足50次！我一個人對住鏡頭及所有劇組，明明熟讀劇本都失晒暈！華仔（劉德華）先話企響鏡頭後幫我，但我還是一句都講唔到標晒汗，之後導演羅永昌叫：『華仔行開，你咁幫Bonnie姐仲驚！』最後羅永昌諗到我望住劇本讀，鏡頭只影到我個嘴close up先搞掂。」
有指黃文慧當年曾拒演《射鵰》梅超風這經典角色，她說：「因為嗰時後生有比較，其他一齊出道嘅演員都上晒位，而我演呢類角色太多，到咗樽頸位想轉行。天林叔（監製王天林）係恩師，佢識用演員，佢話我拍咗咁多年戲，都無人叫得出我個名，希望我乖接咗呢個角色就無悔。果然，梅超風呢個角色真係幫咗我好多，好年後我到瀋陽拍戲，有好多人圍著我用普通話問我：『你是不是梅大姐？』我仲以為佢哋認錯我係梅艷芳，最後佢哋話：『你是不是梅超風。』我先知劇集咁受歡迎。」
黃文慧至今仍保持單身，她坦承人生的確不完美：「以前都有好多人追我，有靚仔有名譽有地位都有，後期甚至有朋友介紹我同一個台山阿伯相睇結婚，但我真係負擔唔起責任，最驚結咗婚生咗下一代離婚，我唔敢賭呢鋪。」
立即下載 | 全新《星島頭條》APP :https://bit.ly/3yLrgYZ
|
鍾意就快D Share啦！
|
|
|