歌神張學友身為虔誠佛教徒，平時誠心學佛，仲係個素食主義者，入行逾37年嘅佢，同太太羅美薇結婚多年依然恩愛如昔，佢哋育有2個女兒，一家四口生活幸福美滿！身為廿四孝爸爸嘅佢，仲係圈中出名嘅愛妻號，佢早前受訪時都自嘲話：「我在家裏永遠是最後一位！」
最近疫情嚴峻，佢為咗保護好家人當然出盡辦法，向來為善不甘後人嘅佢，被網友喺海南島三亞旅遊嗰陣，睇到張學友個名字刻咗喺觀音佛像嘅蓮花座上，並為全家祈福，隨即引超網民熱議！呢個觀音像豎立喺海南省三亞市南山寺，名叫「南山海上觀音聖像」，據知想喺蓮花座刻上名字需要108萬人民幣（約134萬港元），而「香港張學友合家供奉」幾個大字寫咗喺第二排蓮花瓣上，睇得出佢唔單止肯出錢，仲有夥熱誠為全家人祈福嘅心，消息傳出之後，唔少網民都話去三亞旅遊嗰陣見過，不過就唔係近期刻上去嘅，已經係好多年前嘅事
本文作轉載及備份之用 來源 source: http://hk.on.cc
|
鍾意就快D Share啦！
|
|
|