飛虎3｜姚子羚同吳卓羲演感情戲嗌辛苦 蔡思貝拍動作戲感挫敗
姚子羚與吳卓羲（Ron）對上一次合作是2005年的《酒店風雲》，加上兩人本身老友鬼鬼，所以今次在TVB熱播中的《飛虎3壯志英雄》再次合作，一點都不陌生。子羚接受娛樂新聞台的《StarTalk》訪問時說：「佢都冇乜點改變，當然有成熟咗啦，但佢都係大細路，好鍾意整古造怪同萬歲請大家食飯，同佢再合作有一份默契同開心。」子羚又笑言因為與Ron太老友關係，故拍感情戲時其實很辛苦。
子羚則對綁架戲最難忘，談到Ron在劇中英雄救美，她說：「子樂（吳卓羲飾演角色）喺套劇入面係正嘅！」另談到與郭晉安繼《與敵同行》後再續兄妹情，子羚笑言：「隔咗咁多年之後，我見到佢都係叫阿哥，到依家再合作番，變得更加親切，真係好似我哥哥咁。」
至於蔡思貝談到劇中多次請Ron食檸檬，她笑言其實有苦衷：「因為呢個女仔非常冇安全感，覺得Ron個角色吊兒郎噹，要經過好多考驗先覺得依賴得過，最後先接受佢。」
思貝則笑言拍槍戰拍到慣晒：「我自己就算戴咗耳塞，啲響聲都係好入耳，會 Feel 到耳膜有震動。」對思貝來說，最難忘是商場槍戰場口：「因為喺室內，個回音好犀利，耳仔真係嗡嗡聲，仲要個個四方八面咁開槍！」
身為「視后」的思貝則坦言拍攝動作場面讓她感到挫敗：「佢哋要求我做得乾淨俐落，但我每日都覺得好慚愧，覺得自己做得唔好、做唔到。」不過由於有很好的拍攝團隊 Back Up，令思貝留下不少難忘拍攝回憶：「好似商場場戲，要短跑100米衝過去，之後要打筋斗，再起番身對住上面射槍，個攝影師係揸住部攝影機陪我跑，好好玩成件事，好似打機咁！」
更多第5波疫情資訊，請到以下專頁瀏覽（按此）
立即下載｜全新《星島頭條》APP：https://bit.ly/3yLrgYZ
|
鍾意就快D Share啦！
|
|
|
