第5波疫情險峻，無綫「藝員群組」亦陸續擴大，繼周家洛、羅樂林、馮盈盈、胡定欣後，正在拍攝節目《學是疫學非》的戴祖儀（Joey）亦「中招」，並且自我隔離中，期間佢都有開Live講述箇中過程及感受。
Joey無懼「殘樣」素顏開Live，一臉倦容的她表示：「我一直留喺房間隔離，每日不斷煲劇。離開房間嘅時候會戴上口罩，好彩屋企有兩個廁所，我同家人分開用，可以減低感染家人嘅風險。頭兩日發燒發到40度，第3日就慢慢退燒。不過，我覺得最討厭嘅係喉嚨痛，頭一兩日喉嚨好痛、好辛苦，依家仲有少少鼻水。」她亦指已向衞生署申報確診事宜，但可能衞生署太繁忙，而她亦只能在家自我隔離，故會將資源留給有需要的人。
談到在家抗疫的情況，佢透露：「我唔知道其他人啱唔啱，但我分享下自己嘅方法，依家我每日都會用鹽水洗鼻同漱口，比例係水、鹽10：1；同埋都有食藥、維他命C，仲有狂飲檸檬水。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
