朱薰發夢都想去旅行靠睇舊照吊命 分享仔女5年前可愛相
商台DJ朱薰2010年與樂隊Mr.的Bass手譚健文（Dash）的孖生兄弟譚健榮結婚，二人婚後育有一子一女，生活幸福美滿。朱薰不時在IG分享仔女的照片，而6歲細女妹之可愛模樣更吸引很多網民留言，最近妹之更被不少廣告商賞識，找她拍廣告。近年受疫情影響令一向愛旅行的香港人冇得周圍飛，昨日（27日）朱薰於IG分享她發夢都想去旅行的經歷，「大鑊！😱我book咗聽日後日去泰國，但係唔記得請假！😱😱😱真㗎！我噚晚個夢係咁講㗎！」夢醒後朱薰唯有睇舊照「吊命」。
朱薰夢到自己要去泰國旅行唔記得請假。
5年前嘅大仔同細女。
而家已經咁大個嘞！
朱薰分享上一次去旅行，已經是5年前的事。當時一家大細去參加好朋友在泰國舉行的婚禮，更大爆當時約5歲大仔的童言童語：「當時譚仔仲好認真咁問，點解結婚要去泰國咁遠，唔近近哋去太古城算🤡」而邀他們一家出席婚禮的朋友，現時已經育有兩個小朋友，時間真係過得好快呀！疫情影響下唔好話去旅行，朱薰直情連街都少出。她表示想去旅行又冇得飛，只好睇舊照「吊命」，而舊照中的細女妹之身形只係比個水樽大少少，真係非常可愛！網民都話掛住以前細細粒嘅妹之，不過而家6歲的妹之已經識同大人有傾有講，網民都話又是另一種可愛。
妹之5年前有對肥手仔。
當時大約1歲的妹之身形同個水樽差唔多大。
哥哥都好可愛。
疫情下冇得去旅行，朱薰同老公都帶仔女去吓露營。
不過最緊要都係一家人一齊，有冇旅行去都咁開心。
更多第5波疫情資訊，請到以下專頁瀏覽（按此）
立即下載｜全新《星島頭條》APP：https://bit.ly/3yLrgYZ
本文作轉載及備份之用 來源 source: http://hd.stheadline.com
|
鍾意就快D Share啦！
|
|
|
