藝人鍾嘉欣2015年年底閃嫁脊醫老公Jeremy，翌年更喺加拿大誕下大女Kelly，當時佢只隔空宣布生B喜訊，未有談論詳細生B過程，事隔多年佢拍片自爆，原來當時情況危急，分娩過程相當痛苦！佢指由於當時首次懷孕，唔了解官縮真實感受，原本醫生指示擴張至5厘米就要入院，但佢未有為意，喺準備生B前如常食早餐，豈料仲未食飽，就突然下體流血，即被奶奶趕去醫院，先發現原來子宮口已擴張至8厘米，等擴張至10厘米就可以分娩。醫生即急急安排佢入產房，而佢更全程都要吸氧氣，當時佢請求護士喺黑板上寫上Kelly嘅名字，一心諗住想安全帶囡囡嚟到呢個世界，同時諗住媽媽有過類似經歷，再加上老公嘅鼓勵，種種精神寄託下終捱過難關，完成分娩。
惟佢休息1小時後落床小解，卻行唔夠兩步已經下身出血，更暈倒喺洗手間內，幸好老公及時呼叫護士，醫生即建議送去急症室進行重建手術，不過嘉欣堅持拒絕，最後醫生同意觀察1天冇異常就不需做手術，雖然嘉欣指之後嘅檢查比分娩仲痛苦，但總算逃過一刀，並休養足足兩個月先可以如常行路。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
