「滑雪女神」谷愛凌人氣高企席捲娛樂圈，奪獎後火速成為廣告商寵兒，手執近30個品牌代言，兩年來共賺近2億，早前更獲網民力推為張藝謀新作出任女主角，雖然合作消息尚未落實，不過近日佢就喺社交網晒出與藝人成龍嘅合照，更透露正跟成家班練拳，再度引起網民熱議，不但大有機會進軍娛圈，更隨時有望成為新一代「龍女郎」。見谷愛凌與成龍合照時高舉大拇指畀Like，在旁嘅成龍則笑晒口並用手指指向谷愛凌，2人表現興奮。及後，佢又同來自成龍旗下「成家班」龍韻武藝團嘅拳擊教練對練，見着上運動Bra Top嘅佢身形弗爆，而且出拳快、狠、準，拳拳有力，要以動作演員身份殺入娛圈絕對唔係可能。
事實上，早在谷愛凌成名前，成龍已曾公開點名指睇好對方，另有指早前谷愛凌與易烊千壐拍攝短片時，已獲內地著名導演丁晟讚不絕口甚至邀約加入娛圈，惟當時有工作人員卻笑指導演要排隊排在成龍後面，暗示成龍早在丁晟之前已向谷愛凌提出邀約。
本文作轉載及備份之用 來源 source: http://hk.on.cc
|
鍾意就快D Share啦！
|
|
|