藝人章志文7月將舉家移民加拿大，昨日（25日）播出他主持最後一集《流行都市》節目，拍檔姚嘉妮、宋芝齡、安德尊（大王）和劉彩玉等於節目臨尾時，捧出蛋糕作歡送會，蛋糕上面寫着「22」數目字，寓意他在公司服務了22年，姚嘉妮和宋芝齡頻頻抹眼淚，充滿洋葱。
林淑敏都專登過廠現身，林淑敏表示主持《都市閒情》（《流行都市》前身）時獲章志文提點，她說：「我乜都唔識入咗《都市閒情》，係志文一手一腳教我，你嘅輩分就係我爸爸一樣。」宋芝齡此時望着章志文講笑：「你又唔教我喎！」大王亦寸嘴：「佢當我哋死咗！」一唱一和，場面甚為溫馨，章志文被感動得眼濕濕，一度哽咽，他表示：「好開心服務大家22年，同大家並肩，冇大王喺身邊有啲唔慣，大王可唔可以日日打嚟鬧吓我呀！」宋芝齡建議不會將大王的聲音做電話鈴聲，志文卻拒絕：「唔得，又煩得滯。」姚嘉妮表示節目團隊好像一家人一樣，從冇拗撬，感情好好，故對志文離港表示大感不捨。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
