藝人袁偉豪（Ben）同太太張寶兒愛得高調，平時佢哋都已經成日放閃，估唔到佢哋再有新招晒恩愛，Ben尋日（18日）喺社交網自爆同張寶兒私訊時，手快快將Wife（太太）打錯為Wide（闊），佢就晒出二人對話截圖，同時又晒出兩字嘅翻譯圖，並抵死留言：「每一次跟袁太私信的時候，由於手機屏幕顯示的鍵盤太細，加上D和F兩個字母是在鍵盤上的相連位置，再加上本人的手指公有點過大，時常將其中一隻字打錯，把Wife打成Wide，由妻子、太太的意思打成，寬闊，廣闊之類等等的意思……相信沒有一位女士喜歡畀人稱呼自己為《闊》的更何況是自己的太太。所以奉勸一句，各位兄弟小心。」
不過好友謝東閔就「睇穿」佢根本係想放閃，笑言佢根本就係想讚老婆成個「Wide Wife（闊太）」咁款，搞到連好友胡定欣都忍唔住留言嗌佢睇路。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
