視后胡定欣情路波折至今仍係單身貴族，近日佢亮相好友陳敏之嘅網上影片頻道節目大談感情生活，佢坦言自己性格太理性，會成為感情嘅阻礙，但認為自己都有感性嘅一面：「嗰個人出現，我就唔會咁（理智）㗎啦。」在旁嘅陳敏之就坦言為定欣感到擔心，經常催對方早日結婚，定欣亦自爆連鄭嘉穎都曾催婚：「做嘢方面唔使啦，佢成日都話你要做嘅嘢已經做完。」佢更表明比起再奪視后、事業再搶高峰，自己更渴望搵到真命天子：「我唔需要諗，呢條唔係一條問題。」
而講到定欣唔輕易信人，陳敏之即質問：「你受咗咩傷害呀？係咪畀人呃過呀？」定欣即一片寂靜，並感嘆指：「冇話呃唔呃嘅，感情係雙方面嘅，都40歲人啦，你總有感情上嘅經歷。」又直言要找到「Mr. Right」結婚並不容易：「你喜歡一個人，跟住同佢點走嗰條路係兩樣嘢。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|