藝人陳自瑤(YoYo)日前接受「一日體驗」新挑戰，化身學徒為髮型屋客人洗頭、剪髮，更將片段放上其個人頻道。她先學習為男客人洗頭，由鋪毛巾、膠紙開始，期間她相當緊張，笑言自己是「洗頭Yo」，又靠平時自己去髮型屋經驗，問客人個頭有冇痕？使唔使按摩呀？似乎好專業，不過話口未完，她就不斷令客人耳仔入水，仲搞到人哋衫領濕晒，大呼「失敗嘅第一次」。
YoYo又「進級挑戰」為女客人剪髮，豈初有板有眼，更被老闆讚做得好，之後梳頭時，她竟然梳到客人耳仔，客人痛之餘見她緊張都有安慰她謂：「好叻喇！都知妳啱啱學！」開始剪時，有一邊剪得太短，女客人不禁謂：「好驚呀！」YoYo惟有將鉸剪交回給老闆。
之後她就連地都掃埋，認真落力，事後她謂：「今日係幾有趣、寶貴經驗，平時我係冇呢啲機會，去髮型屋就去得多，自己幫人理髮真係未試過！」
本文作轉載及備份之用 來源 source: http://hk.on.cc
|
鍾意就快D Share啦！
|
|
|