前無綫藝人陳嘉賢1982年同梁朝偉、周星馳、吳鎮宇等巨星同期畢業無綫藝員訓練班，演過唔少二、三線電視劇配角，當中最為人熟悉嘅角色，莫過於《他來自江湖》嘅銀行經理「老姑婆」黃玉華。可惜到咗1993年，佢就宣布息影。不過近日佢就接受網上訪問，大爆人生歷程。
陳嘉賢自從息影後，就轉戰保險業，之後生咗一仔一女，可惜囡囡一歲嗰時患上血癌，好彩經歷兩年化療後終於好番。其後佢積極參與醫院義工活動，又修讀神學課程等，仲話好彩有信仰嘅支持，佢先能夠渡過無數難關。
而問到以前藝員訓練班嘅經歷，佢話：「喺我眼中周星馳、梁朝偉好唔定性咁，又鍾意玩。周星馳單眼皮嘛，一貼咗雙面膠紙就叫人睇佢對眼，成日問人佢有冇靚仔到，真係好搞笑。後來睇佢作品先覺得佢好有才華，但當年只會覺得梁朝偉會成功，冇諗過周星馳得。」佢仲寄語年青人成功唔係得一條路，要把握到機會，唔需要去學人。
本文作轉載及備份之用 來源 source: http://hk.on.cc
|
鍾意就快D Share啦！
|
|
|