COLLAR新歌MV盡現真我望歌迷開心 性感造型令8女成蚊子大餐 #COLLAR

COLLAR新歌MV盡現真我望歌迷開心性感造型令8女成蚊子大餐人氣女團COLLAR上周推出第二首團歌《Never-neverLand》，以白日夢世界為 ...

COLLAR新歌MV盡現真我望歌迷開心 性感造型令8女成蚊子大餐

人氣女團COLLAR上周推出第二首團歌《Never-never Land》，以白日夢世界為主題，曲風輕快又帶點小清新，MV昨晚（23日）首播，到今午4點時點擊已逾32萬，當中8位成員邱彥筒（Marf）、沈貞巧（Gao）、許軼（Day）、蘇芷晴（Soching）、王家晴（Candy）、陳泳伽（Winka）、蘇雅琳（Ivy）及李芯駖一洗之前的酷爆形象，以背心、短裙、露腰裝上陣，青春無敵又趣怪表情多多，展現真我個性。COLLAR透露因大家都疲於抗疫，因此希望透過新歌療癒大家，更呼籲不妨發發白日夢，喚醒輕鬆愉快的心情。

 

今次8女還出動私伙，Day表示：「新歌MV加入好多自己元素，自己嘅小公仔、太陽眼鏡都可以喺MV中出現，真係幾得意！」Soching就笑言今次MV難得做回自己：「唔使擺甫士，好難得可以做自己，平時要型、要靚，今次係最真實，甚至乎有樣衰一面畀大家睇。」Winka亦認為今次最貼近日常真實一面。

 

COLLAR要在郊外草地上拍攝MV。

 



個個露咁多肉出來，當然成為蚊子大餐。

 



眾女表示今次在MV中可以做回自己。

 



整個MV感覺都七彩繽紛。

 

由於今次MV衣着比較單薄性感，有否被經理人Wing下令禁食？8女笑言長期都收到「禁食令」，不過芯駖直言為今次拍攝而做Gym，而向來貪食的Ivy跟大家分享低卡零食，Candy則自言很少以清爽造型示人，今趟衣着可謂一大新嘗試。至於其中一個鏡頭要在草地拍攝，8女不僅成為蚊子的大餐，穿涼鞋的Soching更不慎誤踩蟻竇，搞到隻腳一點點又痕又腫，平時怕昆蟲的她更差點爆喊。

 

提到出道歌《Call My Name！》成績驕人，今次會否有壓力？COLLAR認為不會，Marf表示：「得到支持當然開心，但上次出歌都冇話要達到一個咩成績，今次出歌希望平靜大家嘅心情，令大家聽呢首歌會覺得舒服、諗番啲開心事情出嚟！」眾人更表示下次拍MV最想和經理人Wing同框。

 



Marf（右）表示對新歌沒有感到很大壓力。

 



MV中盡現青春本色。

 



隊長Gao（左）和Ivy表情生鬼。

 



 

更多第5波疫情資訊，請到以下專頁瀏覽

按此

立即下載 | 全新《星島頭條》APP :https://bit.ly/3yLrgYZ 

本文作轉載及備份之用 來源 source: http://hd.stheadline.com

鍾意就快D Share啦！

下一篇 》