藝人林溥來(Patrick Sir)兒子Preemo即將11個月大，近兩個月不斷嘗試走路，日前與太太關宛珊便放心一博，讓Preemo於千呎私人花園「放風」，還把他的學行片段上載社交網，短片中的Preemo分別由爸爸、媽媽從後扶實，赤腳的他起初笑笑口，之後便產生恐懼，繼而爆喊，不過經過一輪熱身過後，Preemo似乎已習慣於草地上走路，最後更以一副勝利笑容步入屋內。
Patrick接受東網訪問時，表示放兒子於草地學行乃吸取外國教育方法：「見到外國啲片，好多BB仔見到草地會縮腳，好搞笑，睇出小朋友學習好得意，開頭會笑唔知咩事，感到拮會好驚，唔敢再落地，但我之後就再畀Preemo著鞋再行，等佢習慣草地感覺，雖然第二次行都係縮縮下，但當佢行順咗，會好願意繼續行，仲好開心添，呢樣嘢令我好有體會。」更指兒子學行過程，其實等同大人一樣，當面對不熟悉東西時，起初會感到驚慌，但當慢慢了解過後，便會習慣及接受：「呢樣嘢亦都同疫情一樣，大家學識慢慢克服共存。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|