藝人劉雅麗父親劉山本早前因新冠肺炎離世，享年95歲，今日（3日）於世界殯儀館出殯，大批圈中朋友包括張敬軒、薛家燕、謝君豪、鄧英敏、胡楓、呂珊、蘇玉華、雷安娜、吳岱融與鍾淑慧、黃德斌、尹飛燕與阮德鏘等均送上花牌致意，藝人安德尊則親自到場送別。
劉雅麗與母親包曉華一早到場打點，劉雅麗表示父親走得安詳，她説：「2年前開始洗腎，近半年情況轉差，冇自理能力又食唔到嘢，瘦得好緊要，依家算係離苦得樂。」她續説：「因為佢3月頭中過新冠好番，佢走之後醫生驗出佢體內仲有病毒，所以死因都係寫新冠肺炎。（爸爸有咩遺願？）佢係一個夢想家，成日都想繼續做生意，上年仲話要去柬埔寨傾生意，冇諗過退休，其實佢都係想畀更好嘅生活我哋。」她指近來身邊朋友相繼有家人離世，令她感慨萬分：「爸爸走咗幾日就聽到謝月美離開，白事撞白事，所以我連想做帛金同去送別都唔得，佢好錫我。」她指父親離世時碰巧疫情嚴峻，新聞報道指連棺木供應也受影響，坦言令她十分擔心：「爸爸3月17號走，好感恩咁快可以安排到今日出殯，不過唔可以化妝、換衫同瞻仰遺容。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|