有「嫩版林志玲」之稱、藝人李日朗女友黃靜藍（Nam）前日(12日)27歲生日，網上晒恩愛，獲男友送上名牌包包及在靚餐廳切蛋糕打卡的她，表示踏入生日正日的凌晨，收到很多好友訊息送上祝福，感覺自己前世應該做了不少好事，今世能夠在朋友心中留有重要的位置，生日願望最緊要身體健康，問到男友有否趁機向她求婚時，她說：「冇求婚，冇諗住結婚呀！不過係有傾過結婚呢個topic，但我哋都同意依家以工作行先，始終佢啱啱入番TVB都要搏殺吓，我嘅工作又啱啱起步。」
她透露近日接拍開電視的飲食節目《疫境中的餐桌》，是她首個電視節目，未來會向主持工作發展，對頭一次在電視上看到自己，感覺興奮。節目中她首次與堪輿學家七師傅合作，大讚師傅為人風趣幽默，笑說：「師傅好慈悲呀！佢不停讚我靚女，讚到我都有啲唔好意思，現場佢叫監製畀多啲機會我，所以我都好多謝師傅，呢兩年疫情大家都有不少負能量，但師傅總會帶畀大家歡樂和正能量，佢嘅節目我都睇晒。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|