藝人李蘊（Renee）於2015年下嫁羅章冠榮升人妻兼跟隨對方到內地發展，並先後誕下一女一子，見仔女開始長大，決定靜極思動而復出，而今年正是她出道18周年，一直對幕前演出非常熱忱的她，在粉絲的支持下，決定飲水思源重投前經理人Peter Chiu旗下公司，並簽下「1314(寓意一生一世)」長約，她希望「一生一世」都有Peter照顧及保護，能夠重新開展及開拓更多工作機會，為了配合娛樂工作未來將會中港兩邊工作。
去年緊急入院切除脊椎腫瘤的她被問到是否已康復？她說：「係啊！已經康復！覆診時醫生話傷口埋得幾好！照X光裏面嘅螺絲位置都正確！不過醫生話我皮太薄無咩肉，隔住層皮都摸到螺絲！哈哈哈！」
復出後女將中港兩邊飛，會否擔心未能照顧子女？她完全不擔心：「其實廣州同香港好近，直通車都只需兩個鐘車程，以前未有疫情，我都成日中港兩邊走，我媽咪幫忙照顧兩個小朋友，所以我好放心！」
她開心表示今次復出獲老公支持：「小朋友出世之後，我留在屋企做咗幾年全職媽媽，依家小朋友開始大，我有多啲時間做其他事，老公都好支持我做番我喜愛嘅嘢，例如唱歌拍戲，30歲，話大唔大；話細唔細，趁住仲有理想仲有活力，應該繼續充實自己！只係老公平時比較低調，哈哈！」與鄧紫棋及何超蓮成閨蜜的她，被問到會否邀請鄧紫棋合唱作復出頭炮？她說：「三姐妹各有各忙，同埋佢哋主要市場都喺內地，好開心見到佢哋做得好好，我呢位人母都要努力先做好自己，做個好榜樣！」
本文作轉載及備份之用 來源 source: http://hk.on.cc
|
鍾意就快D Share啦！
|
|
|