最強博彩盤路過關神器《串績王》：http://win.on.cc/football/
曼聯球星C朗拿度慘歷喪子之痛！呢位葡萄牙前鋒周二(19日)喺社交網發聲明，證實女友喬治娜所懷嘅龍鳳胎，只有女嬰順利誕生，男嬰則胎死腹中。C朗形容事件係「天下父母最大痛苦」，體壇中人紛紛向C朗一家送上慰問。
C朗喺聲明中表示：「我哋懷住最悲傷嘅心情宣布，我哋嘅兒子已經夭折，呢個係所有父母最大嘅痛苦。女兒嘅出生畀到我哋唯一力量，帶住希望同幸福去渡過呢個時刻。感激醫生同護士嘅專業照料同支持，我哋希望喺呢個困難時刻保留一啲私隱。我哋嘅小寶貝係個天使，永遠都愛您。」
喬治娜今次誕女前，C朗已有4個仔女，包括11歲大仔小C朗拿度，4歲嘅孖胎Eva及Mateo，佢哋係由2位代母所生，而3歲嘅Alana Martina就係喬治娜所生。C朗宣布喪子後，曼聯隊友拉舒福特、迪基亞、英格蘭名將連尼加、「飛人」保特等均喺社交網向佢送上慰問。
本文作轉載及備份之用 來源 source: http://hk.on.cc
|
鍾意就快D Share啦！
|
|
|