內地人氣節目《乘風破浪的姐姐》第三季《乘風破浪》，有傳前南韓組合少女時代嘅成員Jessica（鄭秀妍）加盟湊熱鬧，消息一度成網上熱搜。日前網上更流傳佢為表入鄉隨俗嘅誠意，喺節目度會揀唱中文歌《隱形的翅膀》添，以為網民好期待佢同班來自中、港及台嘅「姐姐」一齊又唱又跳，點知原來又唔係喎。
有消息話反應不似預期，傳同Jessica係南韓歌手嘅身份，覺得電視台請佢嚟參加節目呢個安排唔係咁恰當，簡直有「捧韓星」、「打破禁韓令」、「媚韓第一線」之嫌，同之前傳出「禁韓令」鬧矛盾。網民為「證明」冇「老屈」電視台，搵翻嗰個電視台曾安排節目主持人杜海濤向南韓天團Big Bang隊長G-Dragon下跪，鬧個電視台唔係第一次「追韓星」。
另外，又話因為內地嘅疫情關係，好多報名嚟現場嘅觀眾都收到通告，話《浪3》第一期錄製可能改為線上，同埋喺呢個特殊情況，有傳唔會搞現場投票添，連班姐姐可唔可以齊腳站舞台都或者成問題，或者會安排佢哋分派演出，不過又擔心會影響個節目效果咁話，家陣疫情下做節目真係好難。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
